ПРОтотип за одржливи резиденции на ПЕРиферии
Перифериите се места на солидарност кои партнерите во PROSPER имаат за цел да ги истражат преку создавање врски помеѓу еколошки ранливите региони, преку серија транснационални културни соработки.
Главните приоритети се да се ангажираат уметници и локални заедници во два региони со големо еколошки значење; поточно островот Евија во Грција кој претрпе деструктивни шумски пожари во 2021 година и Охридското Езеро во Северна Македонија, кое претрпе деградација поради човечка активност загрозувајќи го неговото ендемско значење. Двата региони се погодени од СОВИД, каде што работниците од областита на културата и туризмот бараат начин кон одржлива и инклузивна иднина.
Целите се да се придонесе за развој на модели на транснационална соработка кои ќе овозможат посилни врски меѓу европските уметници и организации, разновидна публика која вклучува локални заедници и сектори за одржлив културен туризам; како и подобрување на градењето капацитети за управување со проекти водени од различни организации во развој.
ПРОСПЕР вклучува 5 партнерски организации (LOOP, Eho Animato, Peripetija, Oyoun и Local Development Agency - Struga), 6 придружни партнери и повеќе од 40 учесници кои заедно ќе создадат резиденции, колективни искуства за заедничко учење помеѓу уметниците и локалната публика, меѓународни копродукции во изведувачки и визуелни уметности, обука за зајакнување на капацитетите нс културни и туристички работници и прототип на одржливи и инклузивни резиденции во периферии.
Целта е да се зајакне меѓународната културна соработка, методологиите за интегрирање на еколошките прашања во уметничката практика, посилна соработка помеѓу уметноста и туризмот, нова локална публика, видливост на европските уметници и посилни капацитети за дополнителни проекти кои овозможуваат одржливо и инклузивното менаџирање. Сето ова ќе биде реализирано низ: 2 резиденции, 1 прототип, 2 еднодневни фестивали, 2 копродукциски изведби, 1 изложба, 1 аудиопрошетка, 2 публикации, 12 работилници, 5 обуки за градење капацитети и 10 презентации.
Овој проект е кофинансиран од Програмата Креативна Европа на Европската Унија.
Олд Сејбрук
Олд Сејбрук е ко- продукција помеѓу Перипетија продукција и Театар Комедија, создадена како дел од проектот ПРОСПЕР!
Сместена покрај езеро, претставата ги следи животите на три брачни парови. Но ова не е само приказна за секојдневни луѓе – туку и дело кое има за цел да поттикне критичко размислување за еколошките прашања и да отвори дијалог за предизвиците и влијанието на човекот на природата.
Инспирирана од уметничката резиденција одржана во Охрид, претставата е создадена со употреба на еколошки свесен пристап преку користење рециклирани и повторно употребени материјали за сценографијата и костимите. Ваквиот пристап има за цел да промовира одржливи и еколошки одговорни театарски практики.
Ехо од длабочината
Ехо од длабочината е поетичен, имерзивен ВР перформанс кој ја истражува кревката убавина на Охридското Езеро и еколошките предизвици со кои се соочува. Овој перформанс составен од два дела, најпрвин ги носи гледачите на патување низ езеротот преку виртуелна реалност, а потоа преку интеракција со актерите ги соочува со фактите за еколошките закани со кои се соочува овој екосистем. Перформансот завршува така што на секој гледач му се дава можност да испрати своја порака до граѓаните на Охрид.
ПЕРИФЕРИИ
Групна изложба / уметничка резиденција во рамките на проектот ПРОСПЕР - Скопје
Во рамките на премиерата на театарската претстава Олд Сејбрук, на 25 и 26 март 2025 година, во Театар Комедија во Скопје беше претставена меѓународната изложба на визуелна уметност со наслов Периферии.
Осуммина меѓународни уметници престојуваа во Охрид во април 2024 година како дел од проектот ПРОСПЕР: ПРОтотип за одржливи резиденции на ПЕРиферии. За време на престојот тие се сплотија со околината и остварија интеракција со природата и со урбаното опкружување околу Езерото. Идејата на резиденцијата беше да се инспирираат уметниците да пронајдат врски помеѓу нивната авторска практика и кревката околина на Охридското Езеро и неговите жители. Уметниците кои беа дел од резиденцијата се изразија преку создавање: фотографии, скулптури, композиции, поеми и интервенции на пронајдени предмети.
ПЕРИФЕРИИ
Групна изложба / уметничка резиденција во рамките на проектот ПРОСПЕР
Осуммина меѓународни уметници престојуваа во Охрид во април 2024 година како дел од проектот ПРОСПЕР: ПРОтотип за одржливи резиденции на ПЕРиферии. За време на престојот тие се сплотија со околината и остварија интеракција со природата и со урбаното опкружување околу Езерото.
Идејата на резиденцијата беше да се инспирираат уметниците да пронајдат врски помеѓу нивната авторска практика и кревката околина на Охридското Езеро и неговите жители. Уметниците кои беа дел од резиденцијата се изразија преку создавање: фотографии, скулптури, композиции, поеми и интервенции на пронајдени предмети. Траги од нивното креативно истражување се изложени во рамките на групната изложба. Делови од програмата се случуваат и на самото Езеро и во неговата околина.
Марија Видовиќ, „Шетајќи низ Охрид“, серија мурали
Шетајќи низ Охрид е серија мурали инспирирана од Охрид. Тие се наоѓаат на различни локации низ градот и може да ги посетат сите заинтересирани. Марија е муралист и илустратор од Белград. Таа комбинира апстрактни и фигуративни елементи градејќи композиции и комбинации на бои кои често прикажуваат приказна или искуство.
Јулиа Ехлер, „Го сакам Охрид / billboard“, отпечатоци од ѕид од папие-маше (papier-mâché)
Јулија Ехлер е визуелен уметник од Берлин. Во Охрид работеше на напуштени згради, каде што земаше отпечатоци од траги кои ги оставило времето или од човекови интервенции на архитектонски елементи со употреба на папие-маше. Изложеното дело е огромно љубовно писмо за Охрид со малку камена заднина.
Ката Ѓорфи, „раѓање на комарецот“, поема
Ката Ѓорфи е унгарска поетеса од Романија. Во нејзините поеми таа експериментира со перспективите и искуствата на нехуманите ентитети. Секоја поема служи како портал во алтернативни светови, во фантазии за еколошка апокалипса и создавање нови видови. Поемите на крај се враќаат кон препознавање на природната незаинтересираност за човечката свест и намери. Ги тематизираат емоционалните и егзистенцијалните димензии на еколошките кризи, изразуваат тага, бес, надеж и отпор кон еколошките предизвици.
Кафар Рзаев, „Молба од Охридското Езеро“, пластични шишиња, капачиња, јаже, хартија
Молба од Охридското Езеро вклучува трансформирање фрлени пластични шишиња во единствени пораки кои ја истакнуваат потребата за заштита на екосистемот на Охридското Езеро и креираат интеракција помеѓу соседите преку предавање на пораките едни на други.
Кафар Рзаев е мултидисциплинарен уметник од Гања, Азербејџан. Неговата уметничка практика најчесто вклучува концептуална уметност и општествени интервенции.
Јара Асмар, „Да живееш покрај вода значи да заборавиш дека таа постои“, видеоинсталација
Серија видеопоеми и микрокомпозиции создадени при теренско снимање на Охридското Езеро. Јара е музичарка и кукларка од Бејрут, Либан. Таа вклучува хармоника, металофон и електроника во своите дела.
Клаудио Беоркија, „Одовде Езерото е поинакво“, серија фотографии
Серијата фотографии создадена за време на резиденцијата, со учество на дел од жителите на градот, ја покажуваат интимната и секојдневна страна на Охрид и неговото езеро.
Клаудио Беоркија е интердисциплинарен уметник, чие дело е во корелација со определено место и којшто најчесто работи низ релациски и партиципативни практики.
The New Liquidity (Селма Бошкаило и Андерс Ехлин), „Подводни космологии – култура на јагули“, медитативно звучно доживување на Охридското Езеро (3Д аудио, специјално адаптирана мобилна апликација, мобилни телефони, слушалки)
Подводни космологии – култура на јагули го користи миграцискиот процес на охридската јагула со цел да се фокусира на околината и на предизвиците со кои се соочува Охридското Езеро, како и на историските наративи на регионот. Преку раскажување на приказната од аспект на јагула, тие сакаат да го истражат Езерото како богата архива и да ја анализираат водата како наследство и место за гео-културна и хумана/нехумана меморија.
Селма Бошкаило и Андерс Ехлин се мултидисциплинарни уметници од Берлин. Заедно го истражуваат вкрстувањето на звукот, територијата и просторот преку The New Liquidity, платформа и колектив за уметнички и кураторски практики. За време на резиденцијата тие развија медитативно звучно доживување на вода како дел од тековниот проект Подводни космологии. Во рамките на проектот и како одговор на климатската криза, тие користат партиципативни аудиопрошетки, аудиоводичи и инсталации за да ги поттикнат критичкиот дискурс и имагинативните можности околу иднината на слатководните и морските екосистеми.
